【on.cc東網專訊】 歌手恭碩良（Jun）現身連鎖快餐店為3月幸運顧客舉辦的驚喜生日派對擔任表演嘉賓，他表示能夠參與感覺很好：「我有好多歌都未試過Live唱，今次可以試吓啲歌。」
臭豆腐魚蛋就係驚喜
Jun又指演唱會籌備接近完成。問林憶蓮會否監場？他說：「唔使啦！佢會到嘅，佢仲叫咗朋友嚟，起初都有啲緊張，因為超過一年冇開騷，希望今年可以多啲分享音樂。」
至於會否製造驚喜給對方？他直言如果要辦也要如活動一樣隆重，但未必在情人節等節日送驚喜：「日日都係情人節啦！我諗起啱就會買。（佢鍾意驚喜？）咁大驚喜佢頂唔住，我哋好平常就得，好似食臭豆腐、魚蛋咁。」而他卻不愛驚喜派對，寧願一少群人可以聊天較好。
賣辣椒醬助救狗之家
Jun又透露新碟會在演唱會同日面世，屆時他更會售賣他的辣椒醬：「我去內地做嘢覺得加咗好食，兩年前搵到供應商，依家買咗500支，到時賣，因為我喺救狗之家收養咗狗仔，都會幫佢哋宣傳，扣除成本會捐晒畀佢哋。」有狗萬事足的他坦言狗仔為他們帶來很多歡樂，更認為自己已做爸爸，所以雖然善款不多，但希望為機構表達心意。
蘋果 : 明日26號恭碩良show，憶蓮會到
【同憶蓮唔玩驚喜】恭碩良賣辣椒醬幫狗狗
噚晚恭碩良(Jun)出席麥當勞喺SKY100舉行嘅顧客慶生驚喜派對，講到嚟緊佢有音樂會，話可以借今次個活動試下新歌。
問到到時女友林憶蓮(Sandy)會否監場?佢話:「都唔使啦，我大個仔，佢會到，佢都會叫埋朋友，自己都緊張，一年冇搞Event，15年係個好開始。」問平日會否俾驚喜女友?Jun話:「都要嘅，但係咁勁都唔會，未必會情人節送禮物，因為日日都係情人節，自己間中諗起適合嘅人都會買。」
咁會唔會送咁大surprise俾另一半?Jun話:「我同佢都頂唔順，我同佢平時都係食下魚蛋臭豆腐咁，我哋麻麻地Surprise Party，寧願去啲小型地方傾到計，自己好多口水，個show搞得七七八八，31號出新碟，第一次同Paco合作，諗咗啲嘢，賣埋恭碩良辣椒醬，之前食過一個辣椒醬好好味，搵到個生產商，生產咗500支。」Jun話到時扣除成本會捐去「狗狗之家」:「諗下屎橋，我隻狗喺『狗狗之家』領養，就不如喺show度搞啲嘢幫小狗，話晒o依家係一個Daddy(指狗仔)，覺得佢帶俾屋企好多歡樂，想為狗仔做善事。」
No comments:
Post a Comment