Friday, June 26, 2009

蘋果日報 : 隔牆有耳 - 這些歌……人民不會忘記

20年前的事,人民不會忘記, 20年來唱過的歌,我們記得好清楚。有人向八方報料,指環球唱片正密鑼緊鼓製作一隻民運歌曲精選唱片,被形容係本地樂壇上接廿年前民主歌聲獻中華,繼承英烈志,低調悼念六四,暗示曾蔭權不代表我們港人心聲「代表作」,呢隻精選 CD, 7.1前出街。

悼念六四死難者心曲
環球指呢隻名為《田》的精選 CD係「熟悉的老朋友…我們都感動的歌…字字有淚!」共收錄 17首歌,有幾首係絕版,包括梅姐《四海一心》、盧冠廷《漆黑將不再面對》同夏韶聲《媽媽我沒有做錯》,見到呢幾個歌名,大家諗起咩呢?

梅姐89年的民主歌聲獻中華上唱《四海一心》,呼籲香港人支援北京民運的畫面,八方相信唔少人歷歷在目,而《漆黑將不再面對》同《媽媽我沒有做錯》,在好多人心目中,已經係悼念六四死難者的心曲,聞者心酸。

其他歌有達明《天問》、 Beyond《長城》,又有憶蓮的《破曉》。關於呢首歌,有需要作個註腳。 91年憶蓮開個唱,特別將《破曉》同《前塵》重新編排成《破曉前塵夢》,當年好多人心領神會首歌在影射六四、悼念死難者,連呢個「密碼」都冇遺忘,揀歌的應該係有心人。

《田》監製朱先生則強調精選 CD選曲只係「慘情歌」,外界認為有政治含意或悼念六四係「太敏感」,「只係普通慘情歌精選,無咩特別。」精選所謂「慘情歌」都同六四有關,又在 6月推出,真係純熟巧合?

據朱先生稱,年初已有推出「慘情歌」精選碟構思,由於 6月冇乜新碟,逐趁空檔出街,「做生意?」,佢話冇考慮過六四效應,亦冇特別大賣廣告,估計銷量約幾千張,與一般精選唱片差唔多,「呢?精選碟,總有一撮人買。」

《田》部份絕對推介歌
四海一心 梅艷芳
漆黑將不再面對 盧冠廷
歲月無聲  Beyond
媽媽我沒有做錯 夏韶聲
舞吧舞吧舞吧 黃耀明

唱片封套係一個由六條線、四個方格組成嘅「符號」,有人話好有意思。



推出日期: 2009-06-30
出品商: 環球唱片

熟悉的老朋友...
我們都感動的歌...
字字有淚!

01. 四海一心 - 梅艷芳
02. 你知我知 - 譚詠麟
03. 人間道 - 張學友
04. 漆黑將不再面對 - 盧冠廷
05. 破曉 - 林憶蓮
06. 歲月無聲 - Beyond
07. 天問 - 達明一派
08. 一切為何 - 太極
09. 媽媽我沒有做錯 - 夏韶聲
10. 不死鳥 - 鍾鎮濤
11. 焚心以火 - 葉蒨文
12. 國旗 - 林子祥
13. 我未能忘掉你 - 盧冠廷
14. 未平復的心 - 王菲、黃貫中
15. 問青空 - 黃凱芹
16. 長城 - Beyond
17. 舞吧舞吧舞吧 - 黃耀明

No comments: