[蘋果即時] 【心繫老婆】憶蓮任尾場嘉賓 安仔將Sandy 叫作Sammi

一連四場《Come On許志安演唱會》噚晚完滿結束，雖然歌迷好期待「許太」鄭秀文（Sammi）上台，不過Sammi安份守己，做安仔背後女人，佢只喺後台為老公打點。
而尾場嘉賓為天后林憶蓮（Sandy），安仔搞笑將憶蓮Sandy叫作Sammi，十分搞笑。兩人手拖手合唱《至少還有你》，反應超熱烈，安仔表示：「好耐無聽過Sandy唱歌，係一個福氣，不過，我唔應該拖咁耐。十幾年前好鍾意呢首歌，我去過好多地方唱，可以一齊唱係夢想成真，我覺得Sammi嚟咗，係Sandy嚟咗，冇理由唱一首歌。」之後憶蓮同安仔合唱《灰色》及《傾斜》，勁歌熱舞令場館升溫。
而喺自彈自唱部份，安仔揀咗《不要驚動愛情》，但佢竟然忘記歌詞，好彩台下觀眾萬人大合唱，令安仔順利完成表演。