47歲林憶蓮跟36歲恭碩良（Jun）拍拖三年多以來，為硬捧男友出錢又出力，由安排任其演唱會鼓手，再監製唱片，又打本在上環開設錄音室，近月更「聘請」男友任其經理人，由窮band仔升呢做紅歌手經理人，身份地位拉近，上月憶蓮到上海出席音樂節，帶同男友回家鄉見家長傾婚事，決定明年初到美加巡迴時在當地註冊結婚，姊弟戀修成正果！
為仔同老友反面林憶蓮經歷一段婚姻、兩段愛情，最終未能開花結果，2011邂逅音樂人恭碩良，愛得全情投入，為改女尊男卑懸殊身份，憶蓮將男友成為其御用鼓手，跟她四出巡迴，又不惜同唱片公司抗衡，堅持由Jun負責新碟監製，今年三月，憶蓮跟環球唱片合約期滿，無約在身的憶蓮，索性叫男友做埋經理人，憶蓮一場騷動輒過百萬，淨抽佣都好和味，更重要令男友身份地位突然升呢，知情人士透露：「一直以嚟係由憶蓮一個好朋友幫手接job，自從憶蓮同阿Jun一齊，同朋友感情變差，舊年尾就無再幫手，今年四月唱片約滿，憶蓮叫男友做佢經理人，以憶蓮呢啲級數，啲job自己彈埋嚟，只係搵個人出面接洽同簽約啫！四月憶蓮去台灣做慈善騷，Jun除咗做鼓手，憶蓮介紹Jun係佢經理人！」上海傾婚事上月20日，憶蓮到上海出席《2014爵士上海音樂節》，Jun隨行做鼓手，據知音樂節完結，憶蓮和Jun繼續留在上海，有網民指在街上見到二人又拖又攬，愛得高調，又有網民踢爆二人拖住手到一家高級素食館，同枱有多名老長輩，知情爆：「憶蓮同Jun綵排嗰陣拖住手，旁若無人，有人笑佢哋就快結婚，憶蓮笑住無否認，佢哋完咗工作留咗喺上海，雖然憶蓮父母離世，但好多親戚朋友都喺上海，今次帶埋Jun見家長，宣布出年二月去美國註冊結婚，之後會請上海啲親人食飯，但唔會喺香港搞喇！」憶蓮撻着Jun之後愈見年輕，立即回春，Jun未到四十就可以上岸，雙贏！
硬捧男友
憶蓮自同恭碩良拍拖後，不避嫌請他做演唱會鼓手，帶他巡迴開騷賺錢，攞正牌拍住拖開工，為了男友，一直以來出盡方法提高男友地位，用心良苦！
No comments:
Post a Comment