爽報 - 香港版 : 為個唱節日忍口 憶蓮舞出最弗身型

2011-12-19
林憶蓮（Sandy）個唱添食，鐵定明年3月再開騷，時間正值胃口大開的農曆新年過後，憶蓮為靚唔衰得，決意聖誕及新年都要忍口節食，以最弗體態示人。
林憶蓮今年9月在香港紅館舉行個唱，門票大賣，反應熱烈，很多忠實粉絲埋怨買不到門票，憶蓮為了滿足觀眾，最希望可在農曆新年再演出，可惜爭取不到檔期，她說：「因為唱完可以大吃大喝過年，原本諗住唔開，但又突然批出３月嘅檔期，既然同上次距離唔算太耐，所以就答應。」雖然早前完成了個唱，但憶蓮沒有半點鬆懈，在休息期間仍無時無刻不忘keep弗。
聖誕新年節食
憶蓮將在聖誕節到美國巡迴演出，現正籌備及綵排中，變相每天都在排舞狂操體能，她笑說：「同大家打賭，part 2時要瘦過part 1，因為唔衰得，所以聖誕、新年都唔會放縱狂食。」憶蓮希望今次個唱的舞台和服裝都有點變化，她亦想在選曲方面有新編排，令樂迷有新鮮感。