2011-08-12
林憶蓮預計九月推出新碟，早前於記招首播遠赴冰島拍攝的新歌《柿子》MV，原來是臨時決定拍攝，拍攝大隊全是她的朋友義助。由於冰島氣候變化很大，一日內出現四季氣候，拍攝過程恍如和大自然搏鬥。
憶蓮說：「其實初時只係諗住去旅行，點知突然話拍MV，所以冇化妝、冇整頭同冇形象師隨行，全部都係由我自己搞掂。雖然拍得好趕，但我feel到大自然好神奇、好犀利。」
她又稱今次出碟是自己做老闆：「如果簽咗唱片公司合作，就有好多附帶條件。加上我又做得慢，如果簽咗唱片公司就會覺得唔好意思。」身為殿堂級歌手的憶蓮，被問可有唱片公司以一億天價簽她成為歌手？她笑謂：「冇架！」
No comments:
Post a Comment