愛情來了，相差11年又如何？人辦在眼前，睇吓林憶蓮同Jun恭碩良呢一對拍拖七年愈愛愈難捨難離就知道！其實兩位咁癡纏亦都有道理，無論開騷、出碟定參加內地唱歌真人騷，憶蓮都有Jun打鼓、編曲做監製做背後男人吖嘛！
林憶蓮 掉轉男前女後
不過「女前男後」最近要掉轉，話說Jun同黃貫中等人首度合體騷開，早排憶蓮再同Jun出埠做嘢，今次就輪到憶蓮做番背後女人，粒聲唔出企喺Jun身後等男朋友做訪問。適當時候避開鏡頭唔想搶男朋友鏡，呢啲咪係愛囉！
平時憶蓮開騷做慣新聞焦點，近排輪到恭碩良做番次主角，同五大band神六月合體在紅館開騷，所以兩位出現機場時，憶蓮識做退下火線交畀男友自己問題自己答。
剛踏入52歲生日，憶蓮喺男友面前都不經意好似少女一樣，粗重嘢交晒畀男友做，不時嘟嘴又撒嬌，好可愛噃！
No comments:
Post a Comment