出名扮嘢好叻嘅楊詩敏（蝦頭）近日喺內地嘅搞笑節目《喜劇之王》，又再繼續施展佢扮嘢神功！喺節目入面蝦頭以短髮及細眼扮歌手林憶蓮唱《至少還有你》，一開始其實見蝦頭唱得唔錯，高音震音樣樣齊，見蝦頭唱得咁認真，但原來細聽佢係唱緊惡搞版嘅《至少還有你》呀！雖然歌詞搞笑，但蝦頭絕對表現專業，仲要呢首歌本身係唱普通話，點知蝦頭原來唱緊廣東話，但蝦頭一於冇理，好似當自己唱緊真版咁，令唔少網友都話佢又扮得又唱得，真係好得！
以為蝦頭企定定唱歌咁簡單？你真係錯啦！原來好戲在後頭，見蝦頭佢唱完歌嗰陣，好快就即刻落去。仲要冇理到主持人講乜，喺冇音樂嘅情況之下留喺度繼續唱，仲叫埋現場觀眾大家一齊唱添。點知主持人見到佢覺得好有可疑，但又叫極佢又唔走，最終出動幾個壯男，出盡九牛二虎之力，夾手夾腳抬蝦頭走，但蝦頭仍然冇理，即使畀人抬都仲繼續唱！唔少網友都大讚蝦頭無論幾時都係咁好笑，又話佢其實真係好唱得，仲話佢連憶蓮細眼都扮到，認真佩服！
網民有話兒：
香x：蝦頭堅好笑
xxxmetoxxe Moxx：有創意
Shaxxn Sx：呢個版本係為你度身訂造
Axxxa Lxxng：其實蝦頭唱歌幾好聽
No comments:
Post a Comment